يابو عيون البراري البيهة صيد صكور
ورموشك شلب وتضيع الخيال
ضيعت الحقيقة وصار عندي اوهام
شعرك على متونك لو مشمر الشال
حبك مرض بية وصار وية الروح
نشرتة السوالف راح يعدي اجيال
جنك مدري شنهو هواي ضاعن بيك
واضلم حاجبك لو كلت جنة هلال
وشلم من شعرك لوحدي وهل خذاني الليل
ضل باجر واجيب من الصبح عمال
ياهو اليلومك لو بقيت اليوم
قانون العشاير والحرام انشال
انا ديان الضماير والفتاوي البيض
وافتيلك بضلتك ما علييهة اشكال
وانا جبال الكرامة اعترف بس ذليت
من شفت اعلى صدرك ناضجات جبال
لسمعك شعر يا اسمر لا تضن مسموع
واغنيلك قصيدة ودارمي وموال
واكضي الليل كلة وياك واسكر بيك
وانعل ابو بليسك موش لعب عيال
تحياتي
[center][b]
الجمعة أكتوبر 09, 2009 4:34 am