هاتف بعد منتصف الليل
محاوره شعرية بين حبيب وحبيبته
للشاعر محمد رحيمة الطائي ارجوا ان تنال اعجابكم
الحبيب
شلونج أأعز الناس عندي
هو الكَلب شچم حبيبه عنده
هزني الشوكَ وعلى الموعد أتاني
وأعد بيدي الدقايق وحده وحده
وحده ،اثنين ، هاي الثالثة تروح
وأتاني وصار هالموعد شبعده
نمت حسبالي اشوفك بالحلم جاي
كَلت دمعاتي احطهن وسط خدك
لان انا ليلي يمر على عيوني صبح
والي ينيم ورده ويمسد عليها
مو مثل الي يلولي وينيم جرح
والي غفه بجلمة محنه
مو مثل الي ينام وبصدره رمح
والي يبات الكحل بعيونه ويصبح
مو مثل الي يبات وبعيونه ملح
الحبيبة
لاحبـيـبـي انا هذا اليل من يمرني
دمعه وسهر وأشواق وحنين
وانا عيني عليك مابطل دمعها
تبجي ماتسكت العين
الحبيب
لالا لاتبجين
امسحي دمعتج وارجوج لاتبجين
خوفي انا عليج من الدمع والله
مرات الدمع ياخذ حلاة العين
ويل كلج تراث ارجوج لاتبجين
من جربت ليلج انا مامرتاح
لان ليلك غفه وانا سهرت وحدي
ومن عديت عمرج والله مامرتاح
لان عمرك دموع وياكل بخدي
ومن جربت صبرك حيــل مامرتاح
لان صبرك جبان ولايكَ بسدي
الحبيبة
بس اسمحلي اكَلك انت قاسي وياي
مدري شبدلك واتغيرت ضدي
حبيتك صدك ماجذبت على الروح
وبحبك صحيح اجاوزت حدي
الحبيب
بس كَالولي عنج انتي متحبين وصلولي سوالف ماني سامعها
انا بروحي وعذابي وحيرتي متانين
مابين الامل والياس والفركه
لامريتي بيه ولااجيتي بطيف
بس الذكريات ولهفة الملكَه
مرات احتركَ الحد مااذوب انهار
وانتي بنص ثلج مامرتج حركَه
الحبيبة
لاحبيبي وتدري انا اهواك
ذوبني القهر والروح محتركه
من يمرني اسمك اشتعل بركان
وترى وداعت عيونك مثلي ماتلكَه
الحبيب
وانا بعد المسافه وساعه من اشتاكَ
اوصي الهوى البابج من يجي يدكَه
اعتب وانقهر واحجي بصلافه وياج
بس معذور كَلبي يطالب بحكَه
اريدج ذيج انتي وماتهزج ريح
اريدن صبرج يطول بعد خلكَه
الحبيبة
وانا اصبر الحبك مثل صبر النوكَ
ولو كل العمر بالصبر خلصته
لان احبك تدري حد الموت
وغيرك لاتضن الروح عاشكَته
الحبيب
وانا البارحه بأخر نفس لليل
سهرن وي همي ومانمت ليلي
اجيتي كَبال عيني وكَمت احسب بيج
واحس اهموم شوكَج هدمن حيلي
هااا نامت بعدها شلون يكَضي اليل
وانتي هواااي من اليل تشكيلي
الحبيبة
آآآه بعد شتريد انطيتك عمري انا ومابخلت عليك
سلمتك حياتي وكَتلك ادلل
ياعشكَ الصبا وتيهني بين الناس
عذبني السؤال وحقي من أسأل
دللتك دلال وكلشي كتلك صار
المهم مااريد كَلبك عني مايقبل
لاتزعل حبيبي اذا تغيرت وياك
هم الكَلوب بالحضات تتبدل
الحبيب
لا ارجوج ذاك اني بعدني شما تمر الايام
بس انتي اشوفك مو مثل الاول
تعيــــريني بدلالج وانا كلي اهموم
ومااريد انا اعيش بهمج مدلل
الحبيبة
من كَلبك حجيت الحجي هذا وياي
و معقوله بكلامك هذا تتقبل
لا لا تجرح احساسي وتدري كلش زين
انا على الزعل مااكدر اتحمل
الحبيب
انا جم دوب اضل وياج
تزعليني وترضيني وتتيهيني بكلامج وابقى مااندل
مليت العذاب وكَلبي بيج احتار
حضي اعوج وياج شوكت يتعدل
الحبيبة
كَلت مليت
الحبيب
اي مليت
الحبيبة
اذا مليت مني يجوز كلشي يصير
مرات البشر من نفسه هم يمل
واذا ناوي الفراكَ ينتضر خل يطول
بعد زغير زرعي شيحمل المنجل
تريد وياك ابقى احسبني حد الموت
مااكَلك نسيت وكَلبي يتحول
واذا متريدني احسبني بعد اسبوع
مااكَلك اموت بس اكَول انسل
محتار وي روحي وحيرتي بصدري
واموت من القهر بس انت ماتدري
كل مارد اكَلك احسب الف حساب
اخاف تروح مني وينتهي عمري
الحبيب
تذكرين جنت اتمنه اشوفك واحجي مره وياج
وجنت ابجي وي روحي من يمر طرواج
روحي تروح كلها وياج
عكَلي يروح كله وياج
اتعثر بدربي من انضر الممشاج
الحبيبة
وانا بمستحاك ادري كلش زين
واباوع ارتباكك واصفن الممشاك
بس شتريد اكَلك يعني مامعقول
احس عيب من اكَلك هالكَلب يهواك
ضليت بسكوتي وانتضر يايوم تجمعني اليالي واحجي انا وياك
الحبيب
تذكرين جنت احتار شكتب بالرساله
جنت كل كَلب الي ارسمه من العشكَ خلصان
تذكرين بأيام امتحاني
وجنت افكر بيج
جنت اريد انساج لحضه من افتح الدفتر
لاموني اصدقائي وردت اصبر الروح
وبحبج ضعيفه الروح ماتكدر
غازليني بعمري ماشايف غزل
وعوديني عليج خل كل يوم اشوفج
وعاتبيني بيوم اذا مرني الزعل
غازليني شلون ماتردين احجي
طولي حيل انا شو وياج مااحس بالملل
غازليني ولاتستحين
مااضن ابيناتنه يكون الخجل
الحبيبة
انا احبك انا اموت عليك شكثر منها هاي
انا بس بحبك معلكه الامل
الحبيب
اااااااااااي خلي اسمع
راح اغمض عيني واسمع
خلي عقلي يتيه وي اجمل غزل
خلي هذا اليل يحلى
مثل ماتحلى الشفايف بالعسل
الحبيبة
ياحبيبي الماكو مثلك
انا احبك
انا كَلبي من الزغر بس انت حبك
انا طشيت العمر ريحان وورود على دربك
انا ازعل عليك
اعترفلك بس مره وحده ازعلت
بس جنت ارد جربك
الحبيب
تجربيني
ومالكَيتي غير الزعل بيها اجربيني
الحبيبة
ياحبيبي وداعتك ماعندي غيرك
ياقساوه اقسي وي روحي ولااقسي عليك
ياحبيبي عذبتني ليل ونهار انا بس مشغوله بيك
انا احبك حب خرافي
ومثل مااشتهي انفاسي انا اشتهيك
ويوم البيه ومااشوفك
انا اوصي الهوى يسلملي عليك
الحبيب
انا من دونج مااحس بالحياة
ضلمه هاي الدنيا تصبح
ولاتصدكين ارتاح بغيابك
همومي من بعدك سيوف وهي تجرح
الحبيبة
يفززني ضواك بليل لو جيت
مثل ضلمه وتجيها بغفله شمعه
تعال وخل اشوفك مرت ايام
تعال وثوب بعدك يمي نزعه
كَالولي نساك وهسه مرتاح
وهواي اختلف وياج وضعه
الحبيب
انا انساج
والله مانسيت
اذا انساج المن هالدموع الكل الوكت تجري
اذا انساج جا المن اون واكتب بشعري
يكولون نسى المحبوب
لاجنهم شماته وشافو احنه اثنين
ماخذنه الهوى العذري
الحبيبة
انا اعرف قصدهم وادري كلش زين
بس انا وحياتك مانفذ صبري
رادوني اعوفك كَوه هاي الناس
بس انا من اعوفك ينتهي عمري
بس مرات ابين روحي اعتب عليك هواااي
لان تتعمد انت تزيد بقهري
آآآآآآآآآآآآآي ايصير اسبوع يمر ومااشوفك بيه
تدري انت بعذابي لولا ماتدري
الحبيب
صار اسبوع حقج انتي ماتدرين
انا النار بيه وماطفت لحضه
يحسدوني بعذابي الناس وانا الكَلب جامه انكسر واشظه
صدك هاي الحياة احظوظ
كلمن بالهوى وحظه
وانا الوكت ضدي
وانتي هم وياه
صار الحكم غصبن
ترضى ماترضى
الحبيبة
بس حكم الوكت لازم نامن بيه
يمرنه الحزن يومين والفرح ومضه
لاتحتار فرغ همك وي اليل
اشكيله الهموم وليلك تعوضه
الحبيب
لالا ماشكي همي ليل
شنهو اليل
مااطخ راس اله
وبحله ماارضى
الحبيبة
برغم ماانا احبك
لاكن شبيدي
حياتي وياك مااضن الها تالي
شمعه العمر يكَظي ولازم اذوب
وياشمعه البقت طول اليالي
خلينه انتفارك والمضى انساه
خل نلحكَ عمرنه على التوالي
الحبيب
هاي شبيج
تحجين بصدك
لو انتي تتشاقين
انا الجبت عمري معاند وي الروح
ماحسبت بيج بلحضه تتغيرين
احجيلي الي صار شبيج ماتحجين
روحي تخوني يجوز تخون
بس انتي ولاحاسبلج تخونين
الحبيبة
صدكَني انا احبك بس اخاف عليك
صعبه انا حياتي وعايشه بنص هم
مااريد اشوفك تحتركَ وياي
واصير انا السبب من انت تتألم
ظروفي تغيرت خليك عني بعيد
اخافن لو بقيت وياي تتندم
الحبيب
آآآآآآآآآآآآآآآآآآه
اتـــنــدم
محسوبه اليالي وعمري محسوب
وياي الحزن متكَدر اكَدار
جبت عمري بقهر وبدمع متعوب
شيلم من ذكرياتي وهن طشار
انكسر سيفي وانا وي الوكت مطلوب
ومدري بيا دقيقه يداعي باالثار
خطيه عيوني بيها الدمع مغصوب
اخاف ابجي بحركَتي وتشتعل نار
يارخص العمر من اوله يذوب
وشبيدي على الزمن خلاني احتار
الحبيبة
شتعيش على القهر مدكلي جم دوب
والياوكت تبقى وياي تحتار
الحبيب
بس انا ارضى بيج وبكل همومي وياج
المفروض منج ماتعوفيني
يهون الي جرى وبالصبر كلشي يهون
وانتي على الصبر ياما توصيني
ماجنت ارتجي تحجيلي حجيج هاذ
شجعيني على حبج انتي شجعيني
كَاعده شمدريج بيه
عدل ،ميت ،صاحي ،نايم ،
مبتلي لو كَلبي خالي
كَاعده شمدريج بيه
وانا الـــف حسبه تجي تمر بخيالي
كَاعده شمدريج بيه
لج عذالي اجت تبجي على حالي
ماتدرين كَلبي شكد يحمل احزان
اتعب والتعب وياي متعوب
طحت بس ياوكعه ابين عدوان
وتلكوني الشماته وانا مصيوب
غريب وياغربتي المالها السان
وترده الوكت وياي فد نوب
طبعا انتي ماتدرين مرتاحه بحياتج وانا اتعذب
اصبح بالقهر واتمسى وي الهموم
وبس وي الدموع انا من اريد العب
مكتوب بحياتي والعمر لحظات
وانا العمر كله وي التعب اتعب
الحبيبة
هاااا يعمري انا يمكن راح اسافر
يعني معناااهااا اروح
يعني معناااهااا اهاجر
يبقى كَلبي الوحده حاير
انا تعبني القهر والانتضار وكَظت حفله سنين صابر
يومي هم بهم اخلصه
ونفس هذا اليوم باجر
ومن بعد ماشفت روحي
قررت لازم اسافر
مــــــــع تحياتــــــــــــــــــــي
الثلاثاء أبريل 08, 2008 12:34 pm
